أحمد سعيد عبد الغني: أحب تقديم الشخصيات الشري-رة في أعمالي.. وسعيد بمشاركتي مع نيللي وشريف سلامة

أحمد سعيد عبد الغني: أحب تقديم الشخصيات الشري-رة في أعمالي.. وسعيد بمشاركتي مع نيللي وشريف سلامة

متابعه مني قطامش 

أعرب الفنان أحمد سعيد عبد الغني عن سعادته الكبرى بمشاركته في مسلسل على قد الحب، الذي تلعب بطولته الفنانة نيللي كريم والفنان شريف سلامة، كما لفت إلى أنه يُفضل دائمًا تقديم أدوار الش-ر في أعمال الفنية.

وذكر أحمد سعيد عبد الغني في تصريحات إذاعية له: شخصية مراد شخصية شريرة وفيها تعقيدات كتيرة، أنا دايمًا بحب أقدم أدوار الشخصيات اللي بتستفزني، وكل ما الشخصية تبقى شريرة أكتر، بحب أمثلها أكتر، إحنا لسه مخلصناش التصوير، ولسه في تطورات كبيرة جدًا هتحصل في المسلسل، وهنشوف منه شر أكتر في الحلقات اللي جاية.

واضاف أحمد سعيد عبد الغني: التحضير للشخصية بيكون إني لازم أفهم تركيبتها كويس جدًا، وأراعي سنها، شغلها، طريقة لبسها، حالتها النفسية، كل التفاصيل الصغيرة دي بتفرق.

وأفاد أحمد سعيد عبد الغني: أكتر حاجة عجبتني في دوري في “علي قد الحب”، إنه مختلف عن أي دور ش-ر عملته قبل كده، شخصية مراد شخصية شري-رة من غير افتعال، ومن غير مبالغة في الأداء، فكان طبيعي وقريب من الجمهور، التعاون مع المخرج أستاذ خالد سعيد شجعني جدًا، وهو شاطر وبيحب شغله، وفاهم تفاصيله كويس أوي.

وتابع أحمد سعيد عبد الغني: كل النجوم اللي معانا في المسلسل، سواء نيللي كريم أو شريف سلامة أو مها نصار، كلهم نجوم كبار، وده بيخلينا كلنا نحاول نقدم أحسن حاجة عندنا، الموازنة بين العقل والمشاعر في المشهد بتكون صعبة جدًا، وممكن نعيد المشهد أكتر من مرة علشان نوصل لنقطة التوازن، وردود فعل الجمهور زادت جدًا بعد الحلقة العاشرة، لما حصلت المؤامرة على مريم، وأنا بفرح بتفاعل الجمهور وردود أفعالهم، أنا بحب دايمًا إن الجمهور يحب العمل ككل، مش بس الشخصية اللي بقدمها، بالنسبة لي، لما العمل كله ينجح، يبقى أنا نجحت.

التعليق والمشاركة عبر صفحة الفيسبوك